02 May 2018

ФОТО НИЙТЛЭЛ: Агаарын бохирдлыг багасгах зорилгоор Инновацийн мэргэжилтнүүд Монгол гэрийг шинэчлэхээр ажиллаж байна.

©UNICEFMongolia/TamirBayarsaikhan
Дэлхий дээрх хамгийн их агаарын бохирдолтой Улаанбаатар хот.


©UNICEFMongolia/TamirBayarsaikhan
Гэр хорооллын айл өрхүүдийн шатааж буй түүхийн нүүрсний хэрэглээ Улаанбаатар хотын нийт агаарын бохирдлын 60 орчим хувийг бүрдүүлж байна.

©UNICEFMongolia/2018/TamirBayarsaikhan
Улаанбаатар хотын агаарын бохирдлын түвшин Дэлхийн Эрүүл Мэндийн Байгууллагаас тогтоосон стандартаас даруй 10 гаруй дахин илүү байгаа нь аюулын харанга дэлдэж байна.

©UNICEFMongolia/2015/Zammit
Агаарын бохирдол нь хүүхэд эхийн хэвлийд бий болсон мөчөөс эхлэн сөргөөр нөлөөлж эхэлдэг. Утаанаас болж ураг дутуу жинтэй төрөх, хугацаанаас өмнө төрөх, бүр эндэх ч эрсдэлтэй. Мөн бага насны хүүхэд хатгалгаа, бронхит, астма буюу гуурсан хоолойн багтраа зэрэг өвчин тусах эрсдэлийг нэмэгдүүлдэг. 

©UNICEFMongolia/2018/Mungunkhishig Batbaatar
Мөн нарийн ширхэгт тоосонцор PM2.5 нь  жирэмсэн болон төрсний дараах эхэн үед хүүхдийн тархины болон танин мэдэхүйн хөгжилд сөрөг нөлөөтэй болохыг сүүлийн үеийн судалгаа нотолж байна. Иймээс утаа нь хүүхдийн бага нас төдийгүй насан туршид нь  өргөөр нөлөөлөх аюултай.

©UNICEFMongolia/2018/TamirBayarsaikhan
НҮБ-ын Хүүхдийн Сангийн зохион байгуулж буй “21-р зууны Гэр” төсөл нь гэр хороололд амьдарч буй айлуудын дотоод орчны агаарын чанарыг сайжруулах, нүүрсний хэрэглээг багасгах зорилготой санаачилга юм.

©UNICEFMongolia/2018/TamirBayarsaikhan
Энэ санаачилгын хүрээнд Монгол дахь НҮБ-ын Хүүхдийн Сан, НҮБ-ын Хүүхдийн Сангийн Инновацийн Оффис болон ГэрХаб (GerHub) ТББ хамтран 2018 оны 3-р сарын эхээр 5 өдрийн семинар, төлөвлөх уулзалт зохион байгууллаа. 

©UNICEFMongolia/2018/TamirBayarsaikhan
Архитектур, дизайн, материал боловсруулалт, барилга, хот төлөвлөлт гэх мэт олон салбарын дотоод, гадаад нийлсэн 10 гаруй мэргэжилтэн гэрийн дулаан алдагдал, нүүрсний хэрэглээх багасгах тал дээр өөрсдийн мэдлэг, туршлагаа  хуваалцав.

©UNICEFMongolia/2018/TamirBayarsaikhan
Тэд  монгол ахуйтай танилцах зорилгоор орон нутагт аялав.

©UNICEFMongolia/2018/TamirBayarsaikhan
Өвлийн хүйтэнд гэрийн дулаан алдагдал хэр байдгийг мэдэх гэж өөрсдөө гэр барьж, дотор нь хонож үзэв.

©UNICEFMongolia/2018/TamirBayarsaikhan
Гэр барихад шаардлагатай үндэсний үйлдвэрийн болон импортын материал, хэрэгслүүдийг судлахаар Нарантуул ОУХТ-ийн жижиг, дунд бизнес эрхлэгчидтэй уулзаж, ярилцав.

©UNICEFMongolia/2018/TamirBayarsaikhan
Хот, суурин газрын гэр хорооллынхны аж байдалтай танилцаж, тэдэнтэй ярилцахаар Сонгинохайрхан дүүрэгт ажилласан нь.

©UNICEFMongolia/2018/TamirBayarsaikhan
Гэрийн дулаан алдагдал, дотоод орчны агаарын бохирдол зэрэг асуудлаар гэр хорооллын айл өрхүүд өөрсдийн бодит байдал болон санал бодлоо мэргэжилтнүүдтэй хуваалцав. 

©UNICEFMongolia/2018/TamirBayarsaikhan
Гэрийн ерөнхий бүтэц ба дизайн, халаалтын систем, гэр доторх агаарын бохирдол, түүнийг хянах, мөн иргэд хоорондоо мэдлэг, мэдээллээ солилцох зэрэг олон асуудлаар иргэд мэргэжилтнүүдтэй ярилцав.

©UNICEFMongolia/2018/TamirBayarsaikhan
Гэрийг бүтэц, дизайныг өөрчилсөн олон сайн туршлага гэр хорооллынхны дунд байгаа ч, өөр хоорондоо мэдээлэл солилцох нь дутмаг байдгийг багийнхан ярилцлагын үр дүнд онцоллоо.

©UNICEFMongolia/2018/TamirBayarsaikhan
Үүний дараагаар мэргэжилтнүүд “Гэр хорооллын асуудлыг цоо шинэ өнцгөөс харж шийдэх” эрхэм зорилготой Эко Хотхонд зочилж ярилцлагын үр дүнгээ нэгтгэлээ.

©UNICEFMongolia/2018/TamirBayarsaikhan
НҮБ-ын Хүүхдийн Сан, GerHub болон бусад мэргэжилтнүүд 5 өдрийн турш цуглуулсан мэдээ материал болон өөрсдийн судалгаа, туршлага дээр үндэслэн цаашид хийх ажлын төлөвлөгөө гаргав.

©UNICEFMongolia/2018/TamirBayarsaikhan
2018 оны 5-р сараас 10-р сарын хооронд гэрийн жишээ загвар гаргах, мөн гэр хорооллын айл өрхүүдтэй илүү ойр ажиллахаар төлөвлөв. 

©UNICEFMongolia/2018/TamirBayarsaikhan
2018 оны 10-р сард дэлгэрэнгүй судалгаа хийх, шинэ загвараа туршихаар илүү олон мэргэжилтнийг хамруулсан баг Монголд эргэн ирнэ.

No comments:

Post a Comment